Mei Liadabuach - Bobowill, definidif

Das ist die Seite von Gustav Freudmann / Mei Liadabuach

Bobowill, definidif

(Positively 4th Street/Bob Dylan)

Na, du hosd Neavn, waunnsd sogsd, du bisd mei Freind.
Wia i in Oasch woa, do hosd di nix wia oghaud.

Jo, du hosd wiagli Neavn, weu dei Hüf woa niemois, des wos scheind.
Du wüsd nua sei bei de Siega, des is wos di aufbaud.

Du sogsd, i loss di obe, nua du waaßd, des is ned woa.
Waunns di echd so schmeadsd, warum is nix zum Gschbian?

Du sogsd, du hosd valuan in Glaubn, nua du waaßd, dass ned so woa.
Weu du hosd kan Glaubn nie ghobd ned zum Valian.

I waaß gaunds genau, warumsd hindta mein Ruckn duasd debpad redn.
I ghea nimmamea dazua duadt, wos di haum eigfaungan.

Glaubsd echd, i bin so a oa Noa und hau mi auf a Backl mid an Jedn,
wos ois vaschdeckn muaß, mid wos a nix kau aufaungan?

Waunnsd mi siechsd auf da Gossn, daunn duasd ollaweu ibarroschd a so.
Du sogsd seawas, griaß di, wia gehds da, oba des duasd nua schbühn.

Du waasdas gaunds genau so wia i, am liabsdn sechasd mi kah-oh.
Oba warum schoffsdas ned und duasdas amoi aussebrühn?

Na, mia gehds ned so leiwaund, waunn i siech in Kumma, wos duasd kuidtiwian.
Waunn i a Diab wa, i glaub, i dad dan schdöhn.

Heasd, i waaß, wosd ned hosd und ned bisd, des duad di gaunds schee schdian.
Oba wüsdas ned vaschdeh, des kaunn mi goa ned gwöhn.

Du, i winsch ma, a anzichs Moi kenndtasd schdeh do drin in meine Bock
und des anziche Moi, do wa i du.

Jo, i winsch ma a anziches Moi kenndtasd schdeh, do drin in meine Bock.
Daunn missasdas amoi seng, de Gschdoid, wos bisd du.